ඉන්දියාවේ ප්‍රකට බොලිවුඩ් නිළි කන්ගනා රනවුත්ගේ (Kangana Ranaut) 36 වන උපන් දිනය අද බ්‍රහස්පතින්දා (23) සමරයි. ඇය උපන් දිනය දවසේ පළ කර තිබෙන වීඩියෝවක් නිසා බොලිවුඩය තුළ ආන්දෝලනාත්මක පුවත් මැවී තිබේ.
ඇය එහිදී තමාට උදව් කළ අයට ස්තූතිවන්ත වන අතරම ඇයට කිසි විටෙකත් විවේක ගැනීමට ඉඩ නොදීම ගැන ‘සතුරන්ටද’ ස්තුති කරයි!, පසුව කිසිවෙකු රිදවීම ගැන සමාව ඉල්ලයි.
ඇයගේ ගමනේදී පෞද්ගලික සහ අධ්‍යාත්මික යන දෙඅංශයෙන්ම ඇයට සහාය වූ සියලුම පුද්ගලයින්ට කෘතඥතාව පළ කළ ඇය මෙලෙස සතුරන්ට නොකියා පහර ගසන්නේ ඇය පුද්ගලික ඊර්ෂ්‍යාකරුවන් හා සතුරන් නිසා දැඩි පීඩාවකින් සිටි නිසා බව බොලිවුඩයේ කථාබහක් මතුව ඇත.
ඉන්දියාවේ උදායිපූර් හි සිය 36 වැනි උපන්දිනය සමරමින් සිටින කන්ගනා , Instagram වෙත ගොස් වීඩියෝවක් හුවමාරු කර ඇති අතර
“මගේ උපන්දිනය දවසේ අද දින මගේ හදවතේ පණිවිඩය…“ යනුවෙන් එය නම් තබා ඇත.
ඇය මෙසේ කියන්නීය.
“අද මගේ උපන් දිනය නිමිත්තෙන්, මගේ දෙමාපියන්ට, මගේ අධ්‍යාත්මික ගුරුවරුන්ට, මගේ රසිකයින්, සුභ පතන්නන් සහ මා සමඟ වැඩ කරන සියලුම මිනිසුන්ට කෘතඥතාව පළ කිරීමට මට අවශ්‍යයි. මම ඔවුන් නිසා සාර්ථකත්වය උපයාගත් නිසා මම එලෙස ස්තූති වන්ත වනවා. මගේ පවුලේ අය සහ මිතුරන් පැත්තක සිටියදී මට විවේක ගැනීමට ඉඩ නොදෙන මගේ සතුරන් ගැනත් කිව යුතුයි ඔවුන් මම කොතරම් සාර්ථකත්වයක් ලබා ගත්තත්, මට අරගල කිරීමට ඉගැන්වූ අතර ඒ සඳහා මම මගේ සතුරන්ට කෘතඥ වෙමි, ”ඇය වීඩියෝවේ සඳහන් කර ඇත.
“මිත්‍රවරුනි, මගේ දෘෂ්ටිවාදය ඉතා සරලයි, මගේ ජීවන රටාවත් එසේමයි. මට ඕන හැමෝටම හොඳම දේ විතරයි. ඒවගේම සමහර වෙලාවට රටේ යහපත ගැන හිතන ගමන් .. මම කාට හරි මොනවා හරි කිව්වොත් මගේ වචන වලින් ඒ අයගේ හිත රිදුනා නම් මම සමාව ඉල්ලනවා. ක්‍රිෂ්ණා දෙවියන් මට වාසනාවන්ත ජීවිතයක් ආශීර්වාද කර තිබෙනවා. මට ඇත්තේ සෑම කෙනෙකුටම ආදරය සහ ධනාත්මක සිතුවිලි පමණි. මට කාත් එක්කවත් අමනාපකමක් නැහැ,” ඇය වැඩිදුරටත් පැවසුවාය.
කන්ගනා රනවුත් මීළඟට පෙනී සිටින්නේ හිටපු අගමැතිනි ඉන්දිරා ගාන්ධි ලෙස ඇය චරිත නිරූපණය කරන Emergency චිත්‍රපටයේ ය. මෙම චිත්‍රපටයට පෙර ඇගේ Dhakad සහ Thalaivii බොක්ස් ඔෆිස් වාර්තා තබා ඇත.
උපන් දින දවසේ වීඩියෝව හා ඇගේ ඡායාරූප එකතුවක් මේ සමග පළවේ.
