ජපානයේ වෙරළ තීරයකින් අඟහරුවාදා උදෑසන සොයාගත් අද්භූත ලෝහ ගෝලයක් ප්‍රදේශවාසීන්ගේ විමසීමට හේතු වී තිබුණි. මේ පිළිබදව සමාජ මාධ්‍ය තුළද වාර්තා වූ අතර එය කුමක්ද යන්න ගැන විවිධ තර්ක ඉදිරිපත් විය.
ජපානයේ හමාමාට්සු නගරයේ එන්ෂුහාමා වෙරළේ පදිංචිකරුවෙකුට අඩි පහකට ආසන්න පළලකින් යුත් මෙම වස්තුව නිරීක්ෂණයට භාජනය වී තිබුණි.
නිලධාරීන් එම ප්‍රදේශය වටලා බෝම්බ ප්‍රහාරක කණ්ඩායමක්ද යවා ගෝලය විමර්ශනය කිරීමට පියවර ගෙන තිබුණි.
එම වස්තුව එක්ස් කිරණ පරීක්ෂණයකින් පසු එහි ඇතුළත හිස් බවට තීරණය වී ඇති අතර බලධාරීන් පවසා තිබෙන්නේ එය මහජනතාවට තර්ජනයක් නොවන බවය.
එක් ප්‍රදේශවාසියෙකු පවසා තිබෙන්නේ මෙම ලෝහ ගෝලය මාසයක් තිස්සේ වෙරළේ තිබූ බවයි.
මෙම වස්තුව මෙසේ හමුවී තිබුනේ එක්සත් ජනපදය චීන ඔත්තු බැලූනයක්ට වෙඩි තැබීමෙන් අනතුරුව සති කිහිපයකට පසුවය. චීනයේ ඔත්තු බැලූ බැලූන් පිළිබඳව ජපානය සතියකට ඉහතදී “දැඩි ලෙස සැකකටයුතු” ලෙස පැවසීමත් විශේෂත්වයකි.
එය හඳුනා නොගත් පියාසර වස්තුවක් හෝ “ගොඩ්සිල්ලා බිත්තරයක්” හෝ ඩ්‍රැගන් බෝල් මැංගාවේ කක්ෂයක් යැයි සමාජ මාධ්‍ය භාවිතා කරන්නන් විසින් අනුමාන කර තිබූ අතර අද්භූත ලොහ ගෝලය කුමක්ද යන්න හෝ එය පැමිණියේ කොහෙන්ද යන්න පිළිබඳව බලධාරීන් තවම සොයාගෙන නැත.
